лале | ср.
Вид цвеќе со долго стебло, долги и широки листови и со цвет како чашка кој може да биде во различни бои (жолта, црвена, розова, шарена); Tulipa. Лалињата беа веќе расцветани.
лама 1 | ж.
Јужноамериканско домашно товарно животно од родот на камилите што се одгледува и заради млекото, волната и месото; Lama glama.
лама 2 | м.
Поглавар на тибетски манастир; тибетски и будистички калуѓер.
ламаизам | м.
Тибетска гранка на будизмот.
Ла Манш | м.
Морски проток меѓу Франција и Велика Британија.
ламарина | ж.
Тенко извалан метал во плочи или во ленти, листови од метал; 'Рѓосана ламарина. Санка од ламарина.
ламаринен | прид.
Што е од ламарина. Ламаринен покрив. Ламаринен оклоп. Ламаринено корито.
ламба | ж.
Направа за осветлување, со фитил и петролеј. Газиена ламба. Столна ламба. Електрична ламба.
ламбада 1 | ж.
Факел, запалено парче борина, дрво или нешто слично натопено во течност, обично смола што гори со силен пламен. Во рацете држеле ламбади.
ламбада 2 | ж.
Вид латиноамерикански танц.
