легализација | и.
Постапка со која нешто се признава за легално; Ова е последна можност за легализација на дивоградбите.
легализира | св. и несв.
Направи, прави нешто да биде легално; озаконува. Тој ја легализира својата продавница.
легало | ср.
а) Место каде што пладнува летно време стока, најчесто овци и говеда. б) Место каде што лежат животни. в) Гнездо, седело.
легат | м.
(истор.) Пратеник кај старите Римјани.
легач | м.
Тој што е мрзлив, безделник. Сите сте легачи и арамолепци!
легачи | несв.
Безделничи, лежи по цел ден.
леѓен | м.
Поголем, обично емајлиран сад со потесно дно и поширок отвор. Го зеде леѓенот за да ја испере кошулата.
легенда | ж.
Предание за животот на некој човек или за необичен настан.
легендарен | прид.
Што е опишуван во легенди. Легендарен јунак.
легија | ж.
(истор.) Поголема воена единица кај старите Римјани. Оттука врвеле римските легии.
