леопард | м.
Големо диво животно од фамилијата мачки со жолтеникаво или сивкаво крзно со црни точки; Panthera pardus.
леопардов | прид.
Што е од леопард, што се однесува на леопард.
лепавец | м.
Вид трева со форма на житен клас што се лепи за облека, лепка; Alopecurus agrestis.
лепавица | ж.
Влажен снег што се лепи за чевлите и облеката.
лепеза | ж.
Предмет на расклопување што служи за ладење; ладало.
лепезест | прид.
Што има форма на лепеза. Паунот ја отвори својата лепезеста опашка.
Лепенец | м.
Река во Македонија.
лепенка | ж.
Парче од некаков материјал што се лепи на нешто. На гумата од велосипедот немаше повеќе место за лепенки.
лепешка | ж.
Измет од говедо. Говедска лепешка.
лепешкар | м.
(разг.) Вид бумбар.
