летоска | прил.
Минатото лето. Летоска имаше помала раздвиженост во градот отколку сега.
летошен | прид.
Што е од минатото лето. Никогаш нема да ги заборави летошните лудувања.
летува | несв.
Престојува негде во летниот период. Со стадото овци летуваа горе на планина. Летуваше на туѓина.
летувалец | м.
Тој што оди на летување;
летувалиште | ср.
Објект во кој се летува. Детско летувалиште. Планинско летувалиште.
летувалиштен | прид.
Што се однесува на летувалиште. Летувалишни спомени.
летувач | м.
Тој што оди на летување;
летување | ср.
Глаголска именка од летува.
леукемија | ж.
Малигно заболување на органите што ги создаваат крвните клетки, абнормално создавање бели крвни зрнца.
леукоцит | м.
Бели крвни клетки (зрнца).
