ликвидира | св. и несв.
Врши, извршува ликвидација на дејноста на претпријатие.
ликвидност | ж.
Располагање со готовина, со готови пари.
ликер | м.
Сладок и ароматичен алкохолен пијалак од пречистен алкохол, шеќер, овошен сок и етерично масло. Мента ликер. Чоколаден ликер.
лико 1 | ср.
лико 2 | ср.
Кончест, жилест слој меѓу стеблото и кората на некои дрвја што се користи како материјал за плетење и врзување. Врзи ја лозницата со лико. Липово лико.
ликов | прид.
Што е направен од лико, што се однесува на лико. Ликова кошница.
ликовен | прид.
Што се однесува на област на уметноста во која спаѓаат уметностите како што се сликарство, вајарство и сл. Ликовен израз. Ликовна академија.
ликовно | ср.
Настава по предметот ликовна култура.
ликсур | м.
Тој што ништо не работи, безделничи и мисли само на јадење.
ликува | несв.
Искажува победничко расположение, голема радост, задоволство поради постигнат успех, победа и слично; слави победа, триумфира.
