Лима | ж.
Главен град на Перу.
лимар | м.
Занаетчија што изработува предмети од лим. Лимарот конечно заврши со ставањето на олукот на куќата.
лимба | ж.
Перче коса, кадрица. Стоеше пред огледалото и ги мазнеше црните лимби.
лимен | прид.
Што е направено од лим. Лимени дувачки инструменти. Падна лимениот олук. Лимена кутија.
лименка | ж.
Лимен сад за индустриско конзервирање пијалак. Лименка кока‒кола. Лименка пиво.
лимит | м.
Граница, утврдена цена, рок, норма, план што не смее да се пречекори; ограничување воопшто што не смее да се помине.
лимитира | несв.
Одредува, утврдува лимит, граница на нешто, ограничува.
лимитирачки | прид.
Што ограничува; ограничувачки. Лимитирачки фактор.
лимон | ж.
Средоземно дрво со месести листови и јајчести светложолти плодови што содржат кисел и ароматичен сок. Исцеди лимон во чајот и го испи.
лимонада | ж.
Освежителен безалкохолен пијалак од лимонов сок и вода. На летниве горештини само чаша лимонада може да те освежи.
