линијар | м.

Направа (дрвена, метална, пластична) со означени мерни единици (милиметри и сантиметри) што служи за подвлекување прави линии и за мерење должини. Исцртајте прави со линијар. На шивачката машина имаше креда, линијар и ножици.

линиски | прид.

Што припаѓа, што се однесува на линија_3 Линиска пловидба. Линиски брод.

линолеум | м.

Непропустлива подна облога, индустриски производ од мелена плута, ленено масло и некои смоли, што се употребува за покривање подови. Скалите беа обложени со чист линолеум намачкан со восок.

линч | м.

Самоволен суд, ѕверска ликвидација без истрага и судење, обично од разјарена толпа народ. Се плашеше од срам, подбив и линч од народот.

линчува | св. и несв.

Извршува линч над некого, казнува со најстрога казна (бесење, каменување, стрелање) на самото место, без судење. Разјарената маса го линчува виновникот.

Лион | м.

Град во Франција.

лиот | и.

липа | ж.

Листопадно широколисно дрво, чиишто мирисливи жолти цветови се употребуваат за чај, а корисни се и за пчеларството; Tilia platyphyllos. Од расцутените липи по дворовите се ширеше прекрасна миризба.

липа | несв.

Плаче гласно, силно. Липаше како мало дете, неутешно и силно. Липаше и го молеше да не оди.

липак | м.

Место обраснато со липи, липова гора, шума. Ветрот го дуваше липакот разнесувајќи ја липовата миризба низ целата населба. Дојдов преку липакот.