мома | ж.

Младо лице од женски пол, возрасно, неомажено; девојка. Убава мома. Селски моми. Калеша мома. Мома за мажење.

моме | ср.

Хип. од мома.

момее | несв.

Се однесува, се покажува како мома за мажење. Нема цел живот да момеам.

момент | м.

Многу краток временски период, миг. Застана за момент. Секој момент треба да пристигне.

моментален | прид.

Што трае еден момент, што се случува во моментот; што се однесува на одреден момент; привремен, краткотраен. Моментален стрес. Моментална ситуација. Моментална креација. Моментална слабост. Моментална смрт.

моментен | прид.

момин | прид.

Што се однесува на мома; што припаѓа на мома. Момини очи.

моминка | ж.

Ситни меурчиња (од појака ракија) што се фаќаат по работ на шишето, ако се затресе. Венец моминки од најбистра ракија. Венецот моминки долго се држеше.

моминок | м.

момински | прид.

Што се однесува на мома, својствен на мома. Моминско оро. Момински соништа. Моминска снага. Моминска срамежливост.