мустаќ | м.
Долги влакна израснати над горната усна кај мажите. Едниот мустаќ му беше подолг. Црни мустаќи. Ги избричи мустаќите.
мустаќест | прид.
Што има (големи) мустаќи. Мустаќест момчак. Мустаќесто лице.
мустаќлија | прид.
Човек со (големи) мустаќи.
мут | прид.
мутав 1 | м.
Постилка или покривка од козина. Го покри со парче мутав. Долго го ткаеше невестинскиот мутав.
мутав 2 | прид.
Нем, што нема способност да зборува.
мутавџилак | м.
Мутавџиски занает.
мутавџија | м.
Занаетчија што изработува мутави, постилки или покривки од козина. Татко му беше мутавџија.
мутант | м.
Организам што претрпел промена во наследните особини.
мутација | ж.
(биол.) Наследно пренесување на некоја промена во организмот што не е резултат на вкрстување. Степен на мутација. Генетски мутации.
