натера | св.
Принуди некого на нешто. Го натера да ја заврши работата. Ја натерале да се омажи за него. Гладот го натерал да проси.
натече | св.
Добие оток, отече. Да се починеме малку, зашто нозеве ми натекоа.
натеченост | ж.
Состојба на тоа што е натечено.
натимари | св.
Со тимарење добро исчисти коњ или друг добиток.
натиск | и.
Силно воздејство; притисок.
натиска 1 | св.
Смести на мал простор, нагнете. Нè натискаа сите во еден камион како добиток.
натиска 2 | несв.
Пригмечува, нагмечува. Самарот го натискаше и му правеше рана на бедното животно.
натисне | св.
Пригмечи, нагмечи. Неговите тешки стапала ја натиснаа зелената трева.
наткава | несв.
наткае | св.
Исткае во доволно или во големо количество. Наткала килимчиња за сите соби.
