нихилизам | м.
Полн скептицизам, гледиште што негира секакви општествени принципи, етички норми и вредности.
нихилист | м.
Приврзаник на нихилизмот.
Ница | ж.
Град во Франција.
ничиј | зам.
Што не припаѓа никому, што не е на никого, што нема сопственик. Ничија земја. Сега оваа куќа е ничија.
ничкоса | св.
Наведне, кутне, насочи надолу. Ја ничкоса главата и почна да плаче. Го фати за појас и го ничкоса во снегот. Ги ничкоса очите од срам. Погледот го ничкоса.
ничкум | прил.
Со лицето кон земјата, не на грб, превртен наопаку. Легна ничкум на кревет. Сликата падна ничкум. Се сврте ничкум.
Ниш | м.
Град во Србија.
ниша 1 | ж.
Помала или поголема вдлабнатина во ѕид за ставање разни предмети, скулптури, вази и др. или дел од мебел, кревет, мијалник и сл.
ниша 2 | несв.
Движи нешто наваму-натаму, на една, на друга страна. Ветрот ги ниша гранките. Слуша и ниша со глава, потврдува.
нишадор | м.
Кристална материја со солено-горчлив вкус, се употребува во медицината и во техниката; амониумов хлорид.
