наболедува се | св.
Боледува долго, до определено време.
наболи ме | св.
Почувствува слаба болка. Раната ме наболе малку. Пак почна да го наболува бубрегот.
набор | м.
Тоа што е набрано; набере 2. Набор на кошула. Набор на завеса.
набори се | св.
Се бори доволно, долго, до задоволување.
набосо | прил.
На боси нозе. Ги обу чевлите набосо.
набоцка | св.
Забоде нешто шилесто (игла, трн и сл.) на повеќе места. Рацете си ги набоцка на капините.
набразди | св.
Направи бразди при обработка на земјиште.
набрашни | св.
Посипе со брашно. Ја набрашни рибата и ја стави да се пржи.
набрбори | св.
Изнакаже многу, сè и сешто. Уште од изутрина ми набрбори што било и што не било.
набргу | прил.
Кусо време по некој определен момент, по некоја случка, настан. Набргу момчето заспа. Поседоа малку и набргу си отидоа. Запали оган, набргу во собата стана попријатно. Набргу по востанието положбата на народот стана уште потешка.
