напипери | св.

Зачини со пипер, посипе со пипер.

напир | м.

Притисок, натиск, напинање. Напир на водата. Напир на крвта. Го чувствуваше напирот на воденото било, готово да бликне, да поплави.

напира | несв.

Притиска, силно настојува, се стреми да се пробие, да се пројави; Силно напираа да ја отворат портата. Низ февруарскиот студ напираше сонцето и го топеше снегот. Зборовите сами напираа да го каже тоа што долго го премолчувал.

напис | м.

Текст (обично новинарско-публицистички) што не е строго ограничен во однос на стилот, должината или темата. Стана многу популарен со своите полемички написи.

написан | прид.

Нашарен, насликан. Беше млад и убав како написан.

написание | ср.

Напис, текст.

написмено | прил.

Со напишан текст, не усно. Ми потврди написмено дека ги примил парите.

напиток | м.

напише | св.

Испише со букви или со бројки. Си го напиша името. Тоа што го кажа напиши го. Напиши ја задачата на табла и реши ја.

напишува се | св.

Напише доволно или многу, помине долго време во пишување.