напрсне | св.

Прсне малку без да се раскрши, распадне; напукне. Чашата напрснала. Коската само напрснала, но не е скршена.

напрстечки | прил.

напрсти | прил.

Одејќи на прстите. Помина тивко, напрсти.

напрсток | м.

Метално или пластично поклопче, во форма на чашка, што се става на прстот за притискање на иглата при шиење.

напрчи | св.

Издаде нанапред или наназад некој дел од телото (усни, гради, стомак, задник).

напудри | св.

Стави пудра. Му го напудри малку лицето по бричењето.

напука | св.

Налути, насекира, вознемири некого. Многу го напука кавгата со синот. Не му беше важно само да го победи во шахот, туку сакаше и да го напука.

напукне | св.

Пукне малку, покаже, добие пукнатина, напрсне. Ѕидовите напукнале од земјотресот. Чашата напукнала.

напули се | св.

напумпа | св.

Со пумпање наполни со воздух, со вода и др. Ги напумпа и ги провери пумпите. Напумпа една кофа вода.