обеси | св.
Закачи, намести нешто да виси. Тој ја обеси низата пиперки на ѕидот од балконот. Таа ги обеси мокрите алишта на едно јаже во дворот.
обескуражи | св.
Направи некој да изгуби кураж; Нејзината постапка го обескуражи момчето.
обесмрти | св.
Направи да биде бесмртен, овековечи некого или нешто. Народот ги обесмрти своите борци. Тие ја изградија кулата за да го обесмртат името на градот.
обесплоди | св.
Направи да биде неплоден, лиши некого или нешто од способноста за плодност. Од стадото издвоија неколку овци и ги обесплодија.
обеспокоен | прид.
Што е неспокоен, вознемирен. Обеспокоено срце.
обеспокои | св.
Направи некој да биде неспокоен, вознемири некого. Лаежот на кучињата ги обеспокои селаните. Го обеспокои мислата за утрешната средба.
обеспокојувачки | прид.
Што предизвикува обеспокојување, што вознемирува. Обеспокојувачки вести.
обесправен | прид.
Што е лишен од некакви права, што е без права. Обесправени граѓани.
обесправи | св.
Лиши некого од определени законски права. Директорот ги обесправи работниците. Со овој закон власта ќе ги обесправи етничките заедници.
обеспраши | св.
Исчисти нешто од прашина. Таа го обеспраши подот во собата.
