обичен | прид.

Што не се одликува со посебни својства, што е вообичаен, секојдневен. Обичен живот. Обичен ден. Обична работа. Обични луѓе.

објава | ж.

Писмено или усно соопштение за нешто; јавно известување, оглас. Сите медиуми ја пренесоа објавата за штрајк на работниците.

објави | св.

Разгласи нешто, огласи, соопшти нешто некому. Владата објави предвремени избори. Сите весници објавија коментари за протестниот собир.

објавител | м.

објавувач | м.

Тој што објавува нешто. Објавувачот на текстот е непознат.

објагни | св.

За овца – роди јагне. Овцата објагни две јагниња.

објало | ср.

Завивки, навои на нозете во вид на дебели чорапи. На нозете имаше објала од сиво сукно.

објаснение | ср.

Разјаснување, толкување на нешто за да стане појасно. Секој збор е проследен со кратко објаснение. Тој не ги прифати нивните објасненија.

објасни | св.

Протолкува, разјасни нешто. Попот се обиде да ни објасни дека душата на умрениот ќе оди во рајот. Ќе ви објаснам како треба да се ракува со апаратот.

објаснив | прид.

Што може да се објасни. Објаснива постапка.