откупи | св.
Со откуп ослободи некого од ропство, заробеништво, грев и сл. Тој го откупи брата си од киднаперите. Нивната земја ги откупи своите затвореници за голема сума пари.
откупнина | ж.
Износ што се дава како откуп. Ги собра парите за откупнина на детето.
откупувач | м.
Тој што откупува. Откупувачите нудеа ниски цени за тутунот.
отме | св.
Земе насила, одземе, Сакаат да ми го отмат имотот.
отмен | прид.
Фин, што има убаво однесување. Отмена дама. Отмен свет од филмската уметност. Отмен европски салон. Отмен изглед.
отне | св.
Отстрани нешто што затина цевка, канал, дупка и сл., одзатне; затне. Ја отнал затнатата канализација.
оток | м.
Подуено место на телото од човек или животно. Му се јави оток на ногата.
отоман | м.
Вид мек миндерлак, мебел што служи за одмор, за седење, лежење; диван. Се испружи на отоманот. Отоман од ружино дрво.
отомански | прид.
Што се однесува на Отоманската Империја.
оториноларинголог | м.
Лекар специјалист за болестите на увото, носот и грлото.
