обнароди | св.
Јавно објави, публикува нешто. Манифестот е обнароден неколку дена пред востанието.
обнесува се | несв.
обниже | св.
Наниже по рабовите или околу нешто. Девојката ја обнижа шамијата со мониста.
обнова | ж.
Враќање, доведување на нешто старо, разурнато во поранешната состојба; обновување. Обнова на земјата. Обнова на старите куќи.
обнови | св.
Врати, доведе во поранешната состојба нешто старо, разурнато. Селаните го обновија разурнатиот манастир. Тој ја обнови старата куќа. Нашата фирма ќе ги обнови улиците во градот.
обновител | м.
обновлив | прид.
Што може да се обнови. Обновлив процес. Обновлива идеја.
обновувач | м.
Тој што врши обнова, што обновува нешто. Обновувач на мировните преговори.
обноска | ж.
Начин на однесување, на држење, однос кон другите луѓе. Сите беа восхитени од нејзината обноска. Тој не се промени во обноските со луѓето.
обносува се | несв.
Се однесува, постапува на определен начин. Тој знае како да се обносува со сите.
