одоздола | прил.

Од долната страна, под нешто. Лебот се препекол одоздола. Пижамите ти се одоздола во торбата.

одоко | прил.

Приближно, оценето со поглед, неоценето на соодветен начин, неизмерено со соодветно средство за мерење. Имаше дваесет луѓе, одоко кажано. Одоко има десет килограми јаболка.

одоколу | прил.

Од сите страни; наоколу. Куќата одоколу беше оградена со борови. За миг се собраа луѓе одоколу.

одолговлечи | св.

одолее | св.

Издржи пред некој предизвик, совлада некој напор, напад, болест и сл. Таа иако беше на диета, не им одолеа на слатките. Старото дрво во дворот одолеа пред силното невреме.

одолжи | св.

Повеќе од очекуваното временски продолжи извршување на некоја работа; завлече, развлече; одложи повеќе пати. Студеното време ја одолжи вегетацијата.

одолив | прид.

На кој може да му се одолее. Одолив предизвик.

одомашен | прид.

Што е како домашен, што е приспособен на нова средина, на нов начин на живеење и сл. Одомашена мачка.

одомаши (се) | св.

Направи некој или нешто да стане домашно, да се приспособи, да се навикне на нова средина, на нов начин на живеење и сл. Го прифатија како член на семејството и го одомашија.

одоми | св.

Направи некој да има дом, куќа; закуќи. Родителите му купија стан, го одомија.