печати | несв.
а) Пренесува отпечаток на текст или слика врз хартија или врз друга подлога во определен број примероци. б) (разг.) Пишува на машина за пишување.
печатница | ж.
Работилница за печатење. Работи во печатница.
печаторезач | м.
Тој што прави печати;
печаторезница | ж.
Работилница каде што се прават печати.
пече | несв.
(кул.) Готви (храна) со загревање (на жар, под вршник, во фурна, во рерна). Пече месо и компири. Пече пита под вршник. Пече леб во фурна.
печеница | ж.
Чадено месо. Еден килограм печеница.
печено | ср.
Храна подготвена со печење. За ручек имавме печено.
печиво | ср.
Печени производи од тесто. Прашок за печиво.
печка | ж.
Затворена направа што работи на електрична енергија или друг вид гориво и се употребува за греење или за готвење. Електрична печка. Печка на дрва. Печка на гас.
печок | м.
Слаб, неразвиен човек;
