пиперница | ж.

Посатка (најчесто дрвена) за чување црвен пипер.

пиперолист | м.

Тревно растение што има листови слични на пиперот; Aegopodium podagraria.

пипета | ж.

Тенко стаклено цевче што завршува со гумена наставка за преточување на течност во мали количини, капка по капка.

пипица | ж.

Мушички, штетни инсекти што се јавуваат кај кокошките.

пипка | ж.

Заразна болест кај кокошките.

пипка (се) | несв.

пипне | св.

Допре еднаш со пипање. Ја пипна драсканицата на раката.

пир | м.

Голема гозба. Богат пир. Свадбен пир.

пиралка | ж.

Дрвен предмет во форма на лопатка со куса рачка со кој удирајќи се цеди тоа што е испрано. Жените переле со пиралки на река. Девојката ја креваше пиралката и удираше во јамболлијата.

пирамида | ж.

(мат.) Геометриско тело со многуаголна основа и коси триаголни страни со заеднички врв.