писок | м.
Краткотраен силен звук, вресок. Писок од силна болка. Морничави писоци. Тишината ја нарушуваше испрекинат писок. Над селото се слушаше лелекот на децата и писокот на жените.
писта | ж.
Дел од аеродром, патека за полетување и слетување на авиони.
пита 1 | несв.
Бара милостина; проси. Старицата пита пред црква. Деца питаат леб.
пита 2 | несв.
пита | ж.
(кул.) Вид сукано тесто, баница. Пита со праз. Тесто за пита. Сучена пита. Пити со јаболка.
питар | м.
Тркалезно лепче озгора со некаква шара.
питач | м.
Тој што пита, што бара милостина. Парталав питач. Бездомен питач. Питач со стап. Питачи со подадена рака.
питачки | прид.
Што се однесува на питач и питачка, што припаѓа на питач и питачка. Питачка работа. Питачки стап. Питачки деца.
питачлак | м.
Питаштво.
питаштво | ср.
Питачки живот, социјална беда, сиромаштија.
