пиштоли се | несв.

Се перчи.

пиштолџија | м.

Добар стрелец со пиштол.

пишува | несв.

Со букви или бројки бележи нешто на хартија или друг материјал, писмено бележи нешто. Првачињата ги пишуваат првите букви во тетратките. Наставничката пишуваше на табла со креда.

пишувач | м.

Автор на нешто напишано. Во текстот се препознава родниот говор на пишувачот. Македонски пишувачи од минатиот век.

пишувачка | ж.

Пишување.

пијавица | ж.

(зоол.) Водна или сувоземна глиста со цицалки на обата краја што живее како паразит, припиена на телото на животните и се храни со крв, а некогаш се употребувала за лекување на болести; Hirudo medicinalis. Коњска пијавица. Десетина пијавици му се залепиле за нозе. Пијавици во сад.

пијавичар | м.

Тој што фаќа и продава пијавици.

пијалак | м.

Тоа што се пие, посебно приготвена течност што се пие, напивка. Разновиден пијалак. Вкусен пијалак. Чаша со пијалак. Алкохолни пијалаци. Освежителни пијалаци.

пијало | ср.

пијан | прид.

Што се опил од алкохолен пијалак. Пијан човек. Пијани гости.