плесне | св.

Удри предизвикувајќи плесок. Момчето силно го плесна соиграчот со топката по глава. Тој го плесна силно детето по тилот.

плесница | ж.

плесничав | прид.

Што е со плесни по лицето или по рацете.

плесок | м.

Звук што се слуша при удирање на дланки, на нешто широко едно од друго, при удирање на водна маса од брег и сл. Плесокот на брановите одекнуваше во ноќта.

плет | м.

Ограда од преплетени прачки. Еден плет ги дели двете куќи. Околу колибите имаше нивчиња со компир оградени со плетови. Бегалецот се криеше зад плетиштата и ѕидиштата на последните селски куќи

плетало | ср.

Тоа што се плете од преѓа, конци и сл. Домаќинката ја крена софрата, смете и го зеде плеталото.

плетач | и.

Плетачите на кошници седеа на брегот на реката и плетеа. Плетач на мрежи.

плетачки | прид.

Што служи при плетење. Плетачка машина. Плетачки игли.

плетачница | ж.

Место, работилница каде што се плете, се изработуваат предмети со плетење.

плетва | ж.

Плевел, трева штетна за земјоделските култури. Од изутрина ја збираат потсушената плетва.