подостарен | прид.
Што е малку, донекаде остарен.
подостари | св.
За човек ‒ стане малку или уште малку постар. Мајка ми како да подостарела од грижи.
подотворен | прид.
Што е отворен само малку, донекаде. Подотворен прозорец. Низ подотворената врата се ѕиркаше слаба светлина. Детето гледаше со подотворена уста од чудење.
подотвори | св.
Отвори малку, донекаде нешто што било затворено, предмет или дел од телото (очи, уста); отвори Ја подотвори вратата да види кој тропа. Го подотвори ковчегот од љубопитност. Ги подотвори закрвавените очи, малку колку да види кое време е.
подотера | св.
Уреди нешто според определни барања да функционира донекаде подобро; дотера 3. Го подотера текстот пред да го пушти во печат.
подоткрие | св.
Открие нешто малку, само донекаде;
подотпара | св.
Отпара малку, донекаде; Го подотпара ракавот до кајшто беше згрешен.
подотпушти | св.
Отпушти малку, донекаде;
подотсек | м.
Посебен дел од отсек
подофицер | м.
Воено лице со помал чин од офицерскиот.
