подрасне | св.
Малку порасне, порасте. Подраснале децава. Брадата ми подраснала, треба да се бричам. Пилињата подраснале, стасале за колење.
подраспара (се) | св.
Распара нешто малку повеќе.
подрасплете | св.
Расплете малку нешто сплетено. Го подрасплете чорапот до скинатото место.
подраспраша | св.
Распраша некого за нешто малку, во скриена форма, не така јавно. Подраспрашај го одоколу да видиш што се случува.
подрасчекорен | прид.
Што стои со малку расчекорени нозе. Стоеше така подрасчекорена над браздата со мотиката в раце.
подрасчекори | св.
Расчекори малку повеќе. Се потпре на ѕидот и ги подрасчекори нозете.
подрасчисти | св.
Расчисти малку, донекаде. Со раката подрасчисти малку место, колку да седне.
подраче | ср.
Додадено парче на ракавот на женска кошула, дел од народна носија.
подрачен | прид.
Што се однесува на подрачје. Подрачна единица на Министерството за образование и наука.
подрачје | ср.
Географска определба, област, регион, територија. Со пожар е зафатено целото подрачје. Градежните работи ќе се изведуваат на подрачјето на нашата општина.
