поита | св.
Ита, забрза, побрза малку или уште повеќе. Таа поита и ме стигна. Поитајте за да го стигнете возот.
поишари | св.
Ишари малку или уште повеќе; дошари. Таа ги поишари јајцата со различни бои.
покади | св.
Кади со темјан малку или кратко време; закади; кади Попот покади низ куќата, прочита една молитва и си отиде. Таа покади низ собата за да ги избрка лошите сили.
покае се | св.
Признае грешка со жалење; се. Тој стопати се покаја што дојде. Покајте се додека е време!
покаже | св.
Направи да може нешто да се види, изнесе јавно. Таа ги покажа своите најнови фотографии. Тој ја покажа својата збирка марки.
покажувач | м.
а) Лице што покажува. Тој е добар покажувач. б) Нешто со што се потврдува веродостојност. Овие опити се добар покажувач на вистинскта природа на препаратите.
показ | м.
Пример, покажување, демонстрација. Ова беше добар показ за нашата подготвеност. Тие служеа за показ како треба да се брани татковината. Неговиот животен пат е показ за постојано страдање.
показалец | м.
Прстот до палецот. Земаа отпечтоци од палецот и од показалецот. Таа му се закануваше со показалецот.
показалка | ж.
Стапче за покажување. Дрвена показалка. Децата имаа шарени пластични показалки.
показател | м.
Тоа по што може да се добие слика, претстава за нешто, да се суди за понатамошниот развиток и тек. Појавата на оваа книга е добар показател за развитокот на македонската поезија. Релевантен показател. Економски показатели. Статистички показатели. Квантитативни показатели.
