покојник | м.

Умрен човек; Покојникот беше многу добар човек. Покојникот го познавала уште на млади години.

покраина | ж.

Област, територија оддалечена од централниот дел; крај, предел, подрачје, краина. Некои наши покраини не се развиени.

покраински | прид.

Што припаѓа, што се однесува на покраина. Покраински комитет. Покраинска организација. Покраинска средба.

покрај | прил.

Отстрана. Се движеше покрај и многу внимателно.

покрај | предл.

Место на одвивање на дејството, положба во непосредна близина на некој предмет или лице. Поминав покрај тебе, а ти не ме виде. Стои покрај ѕидот и ги брои минувачите.

покрека | св.

Крека малку, кратко време.

покрепи | св.

Крепи малку или уште малку.

покрив | м.

а) Горниот дел од куќата што ја заштитува и ја покрива. Лимени покриви. Дрвени покриви. Покрив со ќерамиди. б) Простор за живеење на горниот дел од куќата, под покривот, потпокрив. Тие живеат во покривот. Неколку гарсониери на покривот.

покрива (се) | несв.

покривало | ср.

Некаков вид ткаенина што служи за покривање. Лебот го остави без покривало. Легна да спие без покривало. Имаше само едно изветвено покривало.