парада | ж.
а) Свечена војничка смотра. б) Свечена поворка на спортски, синдикални и други организации. Првомајска парада. в) Голема, раскошна приредба, прослава, свеченост. Фестивалот претставуваше вистинска парада на џезот.
параден | прид.
Што се однесува на парада, што е наменет за парада, што учествува во парада. Параден марш. Парадна униформа. Парадни групи.
парадентоза | ж.
Хронично воспаление на забното непце што обично доведува до испаѓање на забите.
парадентозен | прид.
Што е предизвикан од парадентоза. Парадентозен процес.
парадигма | ж.
(грам.) Образец за промената (формите) на зборовите (именки, придавки, глаголи и др.). Глаголска парадигма.
парадира | несв.
Учествува во парада; оди со параден чекор, маршира.
парадокс | м.
Мислење што изгледа спротивно на општо усвоеното, што изгледа бесмислено, нелогично и што навидум не содржи вистина; бесмислица, апсурд.
парадоксален | прид.
Што е заснован врз парадокс, што изгледа неверојатен, необичен; бесмислен. Парадоксален заклучок. Парадоксална состојба.
парадржавен | прид.
Што постои покрај тоа што е државно. Парадржавна власт. Парадржавна војска.
паразит | м.
(мед.) Животински или растителен организам кој живее на или во повисок организам и се храни од него. Кожни и внатрешни паразити. Тој начин на дезинфекција на почвата ги уништува сите паразити. Штетни инсекти и паразити.
