парабола | ж.

(лит.) Кратка измислена и алегорична творба во стих или проза со морално-поучна или религиозна содржина. Библиска парабола.

параболичен | прид.

Што се однесува на парабола, што содржи парабола. Параболична случка. Параболичен роман.

параван | м.

Подвижна или прицврстена вертикална површина од различен материјал што служи за преградување, издвојување или прикривање на некого или нешто во определен простор. Дрвен параван. Висок параван. Параван на плажа. Параван во соба.

паравоен | прид.

Што не припаѓа на редовната војска, нерегуларен. Паравоена единица. Паравоена организација.

паравојска | ж.

Нерегуларна војска, која ги нема законските, моралните и други норми на државната војска.

параволија | ж.

Парагвај | м.

Држава во Јужна Америка.

параглајдер | м.

Летало во триаголна форма што служи за спуштање од височина и што овозможува лебдење на летачот во воздухот.

параглајдерист | м.

Тој што лета со параглајдер.

параглајдерство | ср.

Спортување со параглајдери.