поништи | св.
Направи, прогласи за неважечко; анулира. Тој предложи да му се поништи казната. Овој договор треба да се поништи.
понор | м.
а) Место каде што водата понира под земјата. б) Голема длабочина со стрмни, вертикални страни; бездна.
понорен | прид.
Што се однесува на понор. Понорна вода.
понорница | ж.
Река во карстни, карпести предели што понира под земјата, тече под неа и повторно избива на површината.
понорничен | прид.
Што припаѓа, што се однесува на понорница; што е како понорница. Понорничен татнеж.
поносечки | прил.
На нос. Падна поносечки.
поноси | св.
Носи на себе облека, алишта извесен период. Палтото може да го поноси уште оваа есен.
понтон | м.
Привремен, подвижен мост што се поставува врз чунови, чамци.
понтонер | м.
Војник што служи во единица за правење понтони.
понуда 1 | ж.
Изјава со која се изразува подготвеност за соработка, за помош, желба за брак и сл. Тој ја прифати понудата на луѓето да го сместат во некоја куќа. Иако не беше јал, тој ја одби неговата понуда, со изговор дека не е гладен. Таа имала многу примамливи понуди, но секогаш ги одбивала желбите на момчето што ја сака.
