порони | св.
Рони малку, некое време пченка и сл. Порони малку од пченката и седна да одмори.
пороси | св.
За дожд – роси малку, некое време. Утрото пороси ситен дождец.
порота | ж.
Судско тело составено од граѓани, што учествуваат во донесувањето пресуда.
поротен | прид.
Што се однесува на порота. Поротен суд.
поротник | м.
Член на порота. Доаѓа судијата со поротниците.
порочен | прид.
Што е со некаков порок; неморален. Порочен човек.
порочност | ж.
Својство или состојба на тој што е порочен; неморалност, расипаност.
порој | м.
Силен поток, надојдена вода што тече по пороен дожд или при нагло топење на снегот. Поројот што мина е со доволна сила и дрво да откорне.
поројник | м.
Силен дожд, порој. Дожд поројник.
поројница | ж.
Река којашто по силен дожд или по нагло топење на снегот надоаѓа како порој. Река поројница.
