посрамоти | св.
Нанесе некому срам, осрамоти. Се надевам дека нема да ме посрамотиш пред луѓето.
посран | прид.
Што е извалкан, нечист. Посрани гаќи.
посрби | св.
Направи да се чувствува Србин; придаде на нешто српски карактер.
посребрен | прид.
Што е покриен, обложен со тенок слој сребро. Посребрен накит.
посребри | св.
Покрие, обложи со тенок слој сребро.
посред | предл.
Пространствена определба - во средишниот дел на нешто. Замавнал со боздоганот и го удрил посред чело. За инает, ѓубрето го истураат посред улица.
посреде | прил.
посреден 1 | прид.
Што се остварува по заобиколен пат, со посредство на некој или нешто; индиректен. До тие податоци стигнавме по посреден пат.
посреден 2 | прид.
За брат, сестра – што е среден по возраст.
посредник | м.
Лице што посредува меѓу две страни или лица и помага за постигнување спогодба или за успешно извршување на некаква работа. Тој беше посредник меѓу двете фирми.
