построи | св.
Стави во строј, постави во редови. Учителот ги построи двајца по двајца.
постројка | ж.
Во индустријата – систем од поставени или вградени технички средства и апарати со определена намена; инсталација 2. (ретко) Градба, зграда.
пострпи се | св.
Се стрпи малку, уште малку. За таа работа ќе мора да се пострпиш. Пострпете се да сопре дождот, па ќе одиме.
постскриптум | м.
Додаден текст на крајот од писмо; скратеница П.С. Својата забелешка ја напиша во постскриптум.
постсоцијалистички | прид.
Што се однесува на општествено-политичката состојба во почетокот на 90-тите години од 20-тиот век по распадот на еднопартиските (комунистички) системи на владеење во земјите на Европа и на бившиот Советски Сојуз.
постуди | несв.
Студи, е ладно некое време.
постудира | св.
Студира кратко време, некое време. Постудира една година и се откажа.
постулат | м.
Основна поставка од која се поаѓа; поставка, појдовна точка.
постулира | св. и несв.
Искаже нешто во вид на постулат. Поетовите погледи за националното минато во значителен дел се постулирани од традицијата.
постхумен | прид.
Што е објавен, отпечатен по смртта на авторот; посмртен. Постхумно дело.
