потсети | св.
Спомене некому нешто да не заборави, обнови некому сеќавање, знаење. Денешниот ден ме потсети на еден настан од минатото.
потсетник | м.
Бележник за тоа што треба да се направи, што не смее да се заборави. Си запиша во потсетникот.
потсече | св.
Пресече, отсече нешто одоздола или одозгора; поткине, скрати крај или врв на нешто. Тој ги потсече гранките на дрвото. Косата му беше кусо потсечена.
потсили | св.
Засили, подзасили малку, во некоја мера.
потсири | св.
Стави сириште (квас, маја) во пресно млеко за да стане сирење. Бачот го потсири млекото.
потсистем | м.
Тоа што претставува систем во рамките на поопшт систем, дел од систем.
потскара | св.
Скара некого малку, во мала мера. Го потскарав синот.
потскок | м.
Мал скок угоре. Нозете му се на потскок.
потскокне | св.
Направи мал скок, подрипне. Коњот потскокна. Врапците потскокнаа на гранката.
потскрати | св.
Скрати, скуси одоздола. Фустанот си го потскратила.
