практицизам | м.

Сфаќање според кое ѝ се дава предност на практиката во однос на теоријата, на моменталните потреби за сметка на определени принципи. Во неговата работа превладува практицизмот.

практицист | м.

Приврзаник на практицизмот. Група практицисти ја оспоруваа неговата теорија.

практицистички | прид.

Што се однесува на практицизам и на практицист. Практицистички однос кон работата.

практичар | м.

Лице со големо искуство, тој што практично добро ја владее својата работа. Во науката потребни се и теоретичари и практичари.

практичен | прид.

Што се однесува на практика Практичен живот. Практична работа. Практично значење.

практички | прид.

Што се однесува на практика. Практичка обука. Практичка акција.

прамата | ж.

праматар | м.

Трговец што продава ситни галантериски работи (срма, конец и сл.). Прошета кај сите праматари и нигде не најде златна срма.

праматарски | прид.

Што се однесува на праматар. Праматарски стоки.

праматерија | ж.

Прва, првобитна материја од која настанале и од која се состоеле сите материјални тела во природата. Тој го застапувал мислењето за огнот како праматерија.