паспарту | ср.
Рамка од картон што ја дели сликата или цртежот од нејзината околина.
паспорт | м.
Легитимација за патување во друга држава; Печат на паспорт.
паспортен | прид.
Што се однесува на паспорт. Паспортно одделение.
паспул | м.
Украсен пораб, опшивка. Шарен паспул.
паста | ж.
Вид густа маса со определена намена (во козметиката, кулинарството, како средство за чистење итн.). Паста за заби. Паста за бричење. Паста за раце. Паста за чевли.
паства | ж.
Верниците во однос на духовните пастири, на свештените лица.
пастел | м.
Фин, ситен пигмент во боја, материјал во тенки тркалезни стапчиња или во форма на молив што служи за цртање. Детето го обои небото со син пастел. Восочен пастел.
пастелен | прид.
Што се однесува на пастел. Пастелна боја.
пастеризација | ж.
Загревање на прехранбени производи до температура при која се уништуваат микроорганизмите, а се зачувуваат хемиските својства и вкусот на производите, делумна стерилизација.
пастеризира | св. и несв.
Подложи, подложува на пастеризација. Млекарницата го пастеризира млекото.
