прегрешение | ср.

Правење грев, прекршување на божјите заповеди. Само Бог може да ги прости твоите прегрешенија.

прегреши | св.

Стори грев, направи прегрешение. Што толку ти прегрешив, Господи, та ме нагрди со таква казна!

прегризе | св.

Прекине нешто со гризење. Лисицата го прегриза јажето со кое беше врзана. Глувците го прегризаа ќебето на неколку места.

прегрми | св.

Престане да грми. Веќе преврна и прегрми.

прегрне | св.

Опфати некого со двете раце и го притисне кон градите како израз на љубов, нежност, почит; гушне, стисне во прегратка. Ја прегрна мајка си. Таткото ги прегрна двете ќерки.

прегрупација | ж.

Ново, поинакво групирање, распоредување; прегрупирање. На теренот има прегрупации и кај двете завојувани страни.

прегрупира | св. и несв.

Групира поинаку или повторно. Воениот штаб ги прегрупираше трупите.

прегушне | св.

пред | предл.

Пространствено значење: а) Место од предната страна на нешто. Непознат човек стоеше пред портата. Детето чекаше пред автомобилот. б) Место во близина на нешто, недалеку од нешто. Скокнав преку потокот пред селото и продолжив по патот.

пред- | претс.

Претставка / префикс за образувања од глаголски и од именски основи.