президиум | м.

Претседателство (на конгрес и сл.).

презиме | ср.

Фамилијарно име што се наследува, обично, по машка линија или што се добива (по избор) при стапување во брак. Име и презиме. Христијански презимиња.

презими | св.

Помине зима на некое место, остане некаде во текот на зимата. Ќе презимиме во градот. Цикоријата може да презими на полето.

презир | м.

Чувство на пренебрегнување, крајно омаловажување. Во погледот имаше презир. Зборуваше со презир.

презира | несв.

презирен | прид.

Што изразува презир, што е полн со презир. Презирен поглед. Презирна постапка.

презоба | св.

За коњ и сл. ‒ назоба премногу, повеќе отколку што треба. Заборавија на коњите и ги презобаа.

презрамка | ж.

презре | св.

Се однесе со презир кон некого или кон нешто. Тие го презреа поради неговото лошо однесување. Тој ги презре нивните постапки.

презреан | прид.

За плод ‒ што е премногу зрел. Презреана лубеница. Презреани круши.