прекоси | св.

Повторно окоси во истата година.

прекрасен | прид.

Што се истакнува со својата необична убавина; преубав. Прекрасен цвет. Прекрасна жена. Прекрасна облека.

прекрати | св.

Прекине, престане со нешто, со некаква работа, дејност. Ја прекратија работата. Го прекратија разговорот. Ја прекрати тишината со прашање.

прекрива | несв.

прекриви | св.

Престане да криви; криви 4. За кратко време ногата му заздрави и прекриви.

прекривка | ж.

(дијал.) прекров, прекровка.

прекрие | св.

Покрие нешто сосема, поинаку или само одозгора. Снегот прекрил сè. Штиците беа прекриени со черги. Масата ја прекри со чаршаф. Го прекри лицето со дланките.

прекров | м.

Невестински вел, превез. Срмен прекров.

прекрова | несв.

прекровка | ж.