прекрои | св.
Скрои, искрои повторно или поинаку. Го прекрои фустанот.
прекрсти | св.
Стави на крст раце, нозе. Ги прекрсти рацете. Седна и ги прекрсти нозете.
прекршен | прид.
Глаголска придавка од прекрши.
прекрши | св.
Скрши, открши дел од нешто, раздели на два или повеќе делови со кршење. Го прекрши лебот насреде. Ја прекрши штицата. Го прекрши стапот.
прекршител | м.
Тој што прави прекршок, што прекршува нешто; Прекршител на прописи.
прекршок | м.
Постапка што е спротивна на даден пропис, закон, наредба и сл. Сообраќаен прекршок. Направи прекршок. Судија за прекршоци.
прекршочен | прид.
Што се однесува на прекршок. Прекршочна пријава.
прекрштава | несв.
прекршувач | м.
прексиноќа | прил.
Завчера вечерта, некнивечер. Си дојдовме прексиноќа.
