претумба | св.

Преврти. Зајачето го претумба кошот.

претура | несв.

претури | св.

Истури од еден сад во друг; преточи. Ако го претуриш виното од бурето, ќе нема талог. Претура млеко во шишиња.

претходен | прид.

Што му претходи на нешто. Претходни настани. Претходна одлука. Претходен месец.

претходи | несв.

Оди пред нешто во време или редослед. На договорот му претходеа тешки преговори.

претходник | м.

Лице или предмет што му претходи на друго / друг. Им се заблагодари на своите претходници во фирмата. Самодовербата е претходник на успехот.

претходница | ж.

претходничка.

претхристијански | прид.

Што се однесува на епохата пред христијанството. Претхристијански религии. Претхристијанска митологија. Претхристијанска ера.

претчувство | ср.

Интуитивно чувство за нешто што може да се случи; инстиктивно чувство. Имам претчувство дека ќе роди син. Имаше претчувство дека некој ја демне.

претчувствува | несв.

Има претчувство; насетува, предосетува. Претчувствува зло. Претчувствува силна бура.