преустројство | ср.
Промена и резултат од промената при преустројување; реогранизација, реформа.
преучи се | св.
Претера со учење. Е, веќе учеше, се преучи!
префазонира | св. и несв.
Дава нов фазон на нешто. Ја префазонира косата. Ја префазонира шапката.
префален | прид.
Што е премногу, претерано фален. Децата му се фалени, префалени.
префали | св.
Пофали претерано. Ми ги фали и ги префали сватовите.
префарба | св.
префати | св.
Опфати некого или нешто со рацете. Го префати околу половината.
префатлив | прид.
Што може да зарази; Префатлива болест.
префект | м.
(истор.) Во стариот Рим – назив на административна и на воена служба и на лицето во тие служби.
префектура | ж.
Служба на префект; управна зграда, канцеларија на префект.
