преформулира | св. и несв.
Искаже, искажува на поинаков начин, измени, изменува формулација. Го преформулира прашањето.
префорсира | св. и несв.
Премногу форсира. Го префорсира проблемот.
префриган | прид.
Што е исклучително лукав и снаодлив; препреден. Префригано дете.
префрли | св.
Фрли преку нешто. Ја префрли топката преку оградата. Ја префрли пушката преку рамо.
прехрана | ж.
Земање храна за одржување на организмот; хранење.
прехранбен | прид.
Што се однесува на прехрана или што се користи како храна. Прехранбени артикли.
прехрани | св.
Обезбеди храна за исхрана. Успеа да го прехрани семејството.
прецапа | св.
Со цапање помине преку/низ нешто.
прецвета | св.
За цвет – овене. Розите од сонцето брзо прецветаа.
прецеди | св.
Исцеди течност низ цедилка и сл. Прецеди ја маста дури е топла!
