пристапи | св.

Пријде, се доближи до некого. Жандарот му пристапи на вујко ми и му подвикна остро.

пристапница | ж.

Писмена изјава што се пополнува заради стапување во некоја организација, партија и сл.

пристар | прид.

Донекаде стар, стар во однос на говорителот. На вратата се појави пристар човек на околу педесет и пет до шеесет години, низок, подгрбавен.

пристега | несв.

пристегне | св.

Стегне посилно, малку повеќе. Ги пристегна дисаѓите. Си ги пристегна опинците пред да тргне од дома.

пристемни се | св.

Се стемни малку повеќе, донекаде. Се пристемни додека стасавме до планинарскиот дом.

пристенка | св.

Застенка малку, тивко. Тој пристенка од ненадејната болка.

пристига | несв.

пристигне | св.

Дојде, стигне на определено место. Децата пристигнаа од одморалиштето доцна ноќта со автобуси. На железничката станица пристигна меѓународниот воз. Разновидна помош пристигна во настраданите подрачја.

пристоен | прид.

Што е во согласност со прифатените норми на однесување. Пристојна забава. Пристојна кошула.