пробдее | св.
Помине некое време буден, во бдеење; Ја пробдеа ноќта, не легна. Мајката ја пробдеа ноќта над постелата на болното дете.
пробелее | св.
Обели, губи од интензитетот на својата боја. Блузата пробелеа од често перење.
пробели | св.
Стане бел, сед.; Рано пробеле во косата.
пробен | прид.
Што се прави заради проба, што е наменет, подготвен за проба. Пробен примерок. Пробна снимка. Пробен авион. Пробно возење.
пробере | св.
Направи избор набрзина; одбере, избере. Првите купувачи ги пробраа крупните јаболка.
пробеси | св.
Пушти, остави нешто да виси. Ги пробеси чаршафите да се проветрат.
пробив | м.
Отвор направен со пробивање. За потребите на новиот автопат направија неколку пробиви во карпите.
пробива (се) | несв.
пробивен | прид.
Што лесно се пробива. Пробивен човек. Пробивен писок.
пробивност | ж.
Особина на тој што е пробивен, својство на тоа што е пробојно. Неговата пробивност понекогаш ѝ пречеше.
