програматор | м.
Уред од машина што служи за избор на една од можните кодирани програми. Програматор на машината за перење.
програматски | прид.
програмер | м.
Тој што изработува програми за комјутер.
програмира | св. и несв.
Направи, прави програма. Ги програмираа изборните содржини во наставата.
програмиран | прид.
Глаголска придавка од програмира.
програмски | прид.
Што се однесува на програма. Програмска шема. Програмски јазик. Програмски карактер.
програчи | св.
Почне да грачи; заграчи. Малите гавранчиња програчија за првпат.
прогрес | м.
Напредок, движење кон напред, кон понапредна, посовршена фаза. Прогрес на човештвото. Општествен прогрес. Технолошки прогрес.
прогресивен | прид.
Што е напреден, што води, што се стреми кон прогрес, усовршување. Прогресивна идеја. Прогресивна литература.
прогресира | св. и несв.
Оди напред, напредне, напредува, се усоврши, се усовршува. Науката и техниката постојано прогресираат.
