прогон 2 | м.
Мерка за земја – површина што може да се изора за еден ден орање.
прогоненик | м.
Тој што се наоѓа во прогонство.
прогони | св.
Истера, изгони далеку од земјата како чин на казна или на насилство. Го прогласија за виновен и го прогонија.
прогонител | м.
Тој што прогонува некого.
прогонство | ср.
Состојба на тој што е истеран, избркан. Го осудија на прогонство. Половина од животот помина во прогонство.
прогонувач | м.
Тој што прогонува, што осудува некого на прогонство. Тој беше негов вечен прогонувач.
прогори | св.
Изгори во мала мера. Го прогоре чаршафот со цигарата.
програка | св.
Почне да грака; Во крошните на дрвјата програкаа чавки.
програм | м.
програма | ж.
План и цел на работата што претстои и што треба да се изврши во некоја дејност. Програмата за претходната година потполно се реализира. Програмата за оваа година е повеќе од амбициозна.
