продре | св.

продреме | св.

Дреме, подреме кратко време, како-годе. Бабата продрема седејќи на столот. По ручекот имаше обичај да продреме пред телевизорот.

продува | св.

Дува малку, кратко време. Продува ветар и повторно се појави сонцето.

продукт | м.

Предмет, материја добиени како резултат, плод на човечкиот труд. Индустриски продукт. Краен продукт. Тоа дело беше продукт на неговата долгогодишна работа.

продуктивен | прид.

Што овозможува производство, што е поволен за производство, што произведува. Продуктивна почва. Продуктивен период. Продуктивен труд.

продукционен | прид.

продукциски | прид.

Што се однесува на продукција. Продукциска куќа. Продукциски односи.

продукција | ж.

Количество на производи како резултат на трудот (физички или интелектуален) во некоја дејност; производство, творештво. Индустриска продукција. Филмска продукција.

продума | св.

продупи | св.

Направи дупка во некој предмет. Цигарата му падна од рацете и го продупи килимот.