проспект | м.
Информација, печатена реклама во вид на леток или на брошура со податоци за туристички места, индустриски производи, услуги и сл. во пропагандни цели.
просперира | св. и несв.
Успее, успева, напредне, напредува, успешно се развива. Тој просперирал добро во новата средина.
просперитет | м.
Општ успех, напредок, благосостојба во вршењето на стопанската и други дејности во една заедница. Национален просперитет. Социјален просперитет. Културен просперитет.
просперитетен | прид.
Што добро просперира, што овозможува, што покажува просперитет. Просперитетно претпријатие. Просперитетна индустриска гранка.
прост | прид.
Што е едноставен, што не е сложен, што може лесно да се разбере, да се сфати. Проста работа.
простак | м.
Лице што се однесува просто, грубо, невоспитано, простачки.
простаклак | м.
Грубост, невоспитаност, вулгарност.
простата | ж.
Жлезда околу грлото на мочниот меур кај машки цицачи, вклучувајќи го и човекот. Проблеми со простатата.
простачки | прид.
Што е груб, прост, невоспитан. Простачки забелешки.
простенка | св.
Почне да стенка или стенка малку, извесно време, често во директен говор. Простенка од болка. Простенка низ заби.
